Gipuzkoako Foru Aldundia

GIPUZKOAKO PROTOKOLOEN ARTXIBO HISTORIKOA

Unibertsitateko etorbidea 8. 20560 - OÑATI
Tel.: +34 943 781205 / +34 943 783413
ahpg-gpah@gipuzkoa.net
Home

Gipuzkoako Protokoloen Artxibo Historikoa

 

Artxibo-funtsak ezagutu nahi al dituzu?       

  Notario funtsak (XVI m.-1915)      Gipuzkoako Hipoteka Kontularitzen funtsak (1768-1862)   

   Oñatiko Sancti Spiritus unibertsitateko artxibo eta liburutegia (XVI-XIX m.)

 

Dokumentuen deskripzioak datu-baseen bitartez ezagutu nahi al dituzu?    

      Ikus Gipuzkoako artxibo ataria

 

 


BERRIAK

"Síntesis de la Historia de Gipuzkoa" liburuaren edizio digitala erabiltzeko moduan dago Gipuzkoako Protokoloen Artxibo Historikoaren web orrian

Liburu honen  editoreak Alvaro Aragon eta Iker Etxeberria dira eta , “Miguel de Aranburu” Gipuzkoako Historialarien Elkartearen urte askotako lana da. Kutxa Fundazioaren kultura sustatzeko dirulaguntzei esker eta Gipuzkoako Foru Aldundiaren META programari esker, mota honetako proiektua aurrera eramateko beharrezko berme ekonomikoa lortu zen. Gipuzkoar erakundeei zein gipuzkoar prestu askori esker. Liburu honen gastelaniaz bertsioa 2017. urtean paperean argitaratu zen eta bertsio digitala kontsulta daiteke  "Miguel de Aranburu” Gipuzkoako Historialarien Elkartearen web orrian. Orain erabiltzeko moduan dago Gipuzkoako Artxibo Orokorraren eta Gipuzkoako Protokoloen Artxibo Historikoen web orrietan.

Irakurtzen jarraitu

-----------------------------

Bergara eta Zestoako agiriak hurbilago. Artxibo-agirien gaineko informazio dohaintzak.

Patxi Larrañaga Guridi e Iñaki Azkune Mendia ikerlariek urteetan zehar jasotako agirien gaineko informazioaren dohaintza egin diote artxiboari, eta, horren bitartez, Gipuzkoako historiaren gainean dauden interesatu guztiei;  oro har, herritar guztiei.

Patxi Larrañagaren lanak, Bergarako historiaren gainean zentratua, eta Iñaki Azkunerenak, Zestoako XVI. mendeko lehen erdialdean zentratutakoa, parada ematen digute gure gertuko historia ezagutzeaz gain, tokian-tokikoak ez diren beste errealitate historiko batzuk ezagutzeko  ere. Horren adierazle da, besteak beste, Iñaki Azkunek identifikatutako Sebastian Elkanoren (Juan Sebastianen anaia) ahalorde eskritura, jarraian ikusten duzuena.

Iñaki Azkuneren kasuan agirien deskripzioaz gain agirien transkripzioak ere dohaintzan utzi dizkigu, 8.200 orri baino gehiago!.

Gipuzkoako Protokoloen Artxibo Historikoak eta Gipuzkoako Foru Aldundiak ondasun dokumentalaren kontserbazio, antolakuntza eta atzipen egokiak bermatzen badituzte ere, dokumentazio bolumen handia dela eta (4.000.000 ¿? eskritura), notario-eskriturak banan-banan identifikatzea ez dute posible izan. Horrexegatik eskertzen dugu bereziki dohaintza hau. Eskerrik asko Patxi eta Iñaki!!



1517.04.25
Altzolarats jauregiko Domingo Arronak Getariako Sebastian Elkanori (Joan Sebastian ospetsuaren anaia zaharrenari) Siziliako Messinan zituen burdinak ahalik eta prezio onenean saltzeko emandako ahalorde-agiria.

AHPG-GPAH 2/1606,A:15r-15v


'Sepan quantos esta publica escriptura de poder bieren como yo Domingo de Arrona, vezino que soy de la/1 villa de Çestona, otorgo e conozco por esta presente carta que otorgo e do mi poder cunplido/2 e bastante segund que yo mismo lo he e tengo e segund que mejor e mas cunplidamente lo puedo (e)/3 debo dar e otorgar de derecho a vos, Sabastian de Elcano, vezino de la villa de Guetaria que presente/4 estays, para que por mi e en mi nonbre podays demandar e rrecabdar e rreçibyr el fierro que en mi/4 nonbre e para mi esta en la çibdad de Meçina en poder de los herederos de miçer Angelo e Vernaldo Faraon/5 consynados por Joan Antonio Rico, biçeconsul de los españoles en Meçina, la qual dicha azienda (de)/6 fierro fue consynado por virtud del testamento de Joan Martines de Bildayn, vezino de Guetaria, mi fator/7 ya defunto, suegro que fue de vos el dicho Sabastian de Elcano,..'

-----------------------------

Gipuzkoa, paisaiaren geruzak dokumentuen bitartez

Gipuzkoako Protokoloen Artxibo Historikoak  'Gipuzkoa, paisaiaren geruzak dokumentuen bitartez' erakusketa birtuala bultzatzen du Gipuzkoako Artxibo Orokorrarekin batera.

Gipuzkoako Foru Aldundiko Kultura, Turismo, Gazteria eta Kirol Departamentuak, Kultura Zuzendaritzaren bidez, bigarren urtez jarraian antolatzen ditu Ondareari buruzko Europako Jardunaldiak, Bizkaiko eta Arabako foru aldundiekin era koordinatu batean, lurraldeko kultur eragile askoren inplikazioarekin.

Europako Kontseiluak aurtengo deialdirako hautatu duen gaia Ondarea eta natura: aukeren paisaia bat izan da, eta gure baterako proiektuan Paisaia bizi. Gure paisaia kulturaren eraikuntza lelopean interpretatu da. Paisaiara gerturatzea izan dugu helburua, faktore askok parte hartu duten hainbat eraldaketaren bidez; izan ere, egun gure nortasunaren eta kulturaren elementu bat da, eta aukera ematen digu, gainera, hiru lurraldeen arteko harreman-gune garrantzitsuak izateko.

Irakurtzen jarraitu

-----------------------------

 Hornitu dezagun Rosario!!

Rosario naoaren erikuntza eta horniketa ezagutzeko dokumentu bikaina. Ezagutu oholak, masteriaistinkadura edo janariarekin lotutako detaileak, nolakoa izan zen emakumeen partehartzea - beheko adibidean ikus dezakezun bezala-, Gipuzkoa eta Bizkaiko hiribildu ezberdinetako pertsonek izan zuten esku-hartzea; baita ureztaduran, botaduran, izandako ustekabea ere!
1597ko ontzigintza kontu batzuk, Errosarioko Ama naoarenak

Luparekin aztertzen dugun oraingo dokumentu honek aukera ematen digu ulertzeko halako nao baten eraikuntza prozesuak nolako konplexutasuna zuen. Ezohikoa den dokumentua da, itsasontzi baten inguruko ‘Fenecimiento de cuentas’ bat, kontuen kitapen bat, gastuen zerrenda bat, baina oso zehatza, 35 orrialdekoa!! Kontuen bitartez gertu-gertutik ezagutu ahal dugu ‘Errosarioko Ama’ naoaren eraikuntza, 1596 eta 1597. urteen artekoa, Gipuzkoa eta Bizkaiako enpresari batzuk sortutako konpainia baten bitartez Deban eta Pasaian eraiki zutena.   (Jarraitu irakurtzen)

'...A Mari Diaoiz de Sorarte pague doze reales y medio por diez dias que se ocupo torçiendo estopa, a real y quartillo por dia. Y a Catalina de Yraurgui otros doze dias al dicho prezio que lo uno y otro monta veynte y siete reales y medio..'


 

 

Artxiboa Kultura, Gazteria eta Kirol Departamentuko Ondare Historiko-artistikoaren, Artxiboen eta Museoen Zerbitzuaren mendekoa da. Artxiboen funtsak, berriz, bi titulartasun ezberdin dituzte: notario-funtsak eta Hipoteka Kontularitzakoak estatuaren titulartasunekoak dira, eta Unibertsitateko artxibo-funtsa eta liburutegia Gipuzkoako Foru Aldundiarenak.


Web honen bitartez, eskaintzen ditugun zerbitzuei, kontserbatzen ditugun dokumentuei, ikertu daitezkeen alor eta gaiei edota erabiltzaileen esku dauden deskribapen tresnei buruzko informazioa azaltzen dugu. Gainera, dokumentu mota ezberdinen irakurketan aritzeko aukera dago, Gipuzkoako historian zehar izan diren idazkera mota ezberdinetan murgilduz. Honek, artxiboko dokumentuen kontsultan izan dezakezun interesa zein irakurketan izan ditzakezun erraztasun ala zailtasunak ikusteko balioko dizu. Azkenik, gordetzen eta hedatzen ditugun dokumentuen hautaketa bat eskaintzen dizugu, horietako batzuk zein gai jorratzen dituzten jakin dezakezularik.

 

 

 

 

 

 

 

Azken eguneratzea hemen: Asteartea, 2018(e)ko maiatza(r)en 22-(e)an 08:58etan
E-posta Inprimatu